نصاب تعلیم میں خاموشی سے کی گئی تبدیلیاں کسی صورت قبول نہیں، علامہ شبیر میثمی

لیہ : شیعہ علماء کونسل پاکستان کے مرکزی سیکریٹری جنرل علامہ ڈاکٹر شبیر حسن میثمی نے کہا ہے کہ نصاب تعلیم میں خاموشی سے کی گئی تبدیلیاں کسی صورت قبول نہیں۔ یکساں نصاب کے نعرہ کے نیچے ملک کو دہشت گردی، فرقہ واریت اور مذہبی انتہاء پسندی کی دلدل میں دھکیلا جا رہا ہے۔ جس کے خطرات نتائج نکلیں گے اور سانحہ سیالکوٹ جیسے واقعات کو روکنا حکومت کے بس میں نہیں ہوگا۔حکومت کو متوجہ کرتا ہوں کہ ہوش کے ناخن لے اور ملکی سالمیت پر کوئی سمجھوتہ نہ کیا جائے۔لیہ میں جامعہ الجعفریہ راجن شاہ میں علمائے کرام و عمائدین کے اجتماع سے خطاب میں علامہ ڈاکٹر شبیر حسن میثمی نے کہا کہ مکتب تشیع کو دیوار سے لگانے کی کوشش ہو رہی ہے۔