ملک میں کورونا کیسز میں نمایاں کمی، مثبت کیسز کی شرح 2 فیصد سے بھی کم

اسلام آباد: ملک بھر میں کورونا وائرس سے 24 گھنٹوں کے دوران مزید 26 افراد انتقال کرگئے۔ نیشنل کمانڈ اینڈ آپریشن سینٹر کی جانب سے جاری بیان کے مطابق گزشتہ 24 گھنٹوں کے دوران ملک میں کورونا کی تشخیص کے لیے 45 ہزار 619 ٹیسٹ کیے گئے جن میں سے 912 افراد میں کورونا وائرس کی تصدیق ہوئی۔ گزشتہ روز اس وبا نے مزید 26 افراد کی زندگیوں کو نگل لیا۔ جب کہ مثبت کیسز کی شرح میں نمایاں کمی واقع ہوئی ہے۔ ملک میں کورونا کے مثبت کیسز کی شرح 1.99 فیصد ریکارڈ ہوئی ہے۔