فنڈز کی کمی، 40 لاکھ افغانوں کے راشن میں کٹوتی

اقوام متحدہ نے فنڈز کی کمی کی وجہ سے 40 لاکھ افغانوں کے راشن میں کٹوتی کردی۔اقوام متحدہ کے تحت عالمی خوراک پروگرام کو افغانستان میں سنگین انسانی بحران کے باوجود فنڈز کی کمی کا سامنا ہے۔ عالمی ادارہ خوراک نے کہاہے کہ اگلے ماہ افغانستان میں ایک کروڑ 30 لاکھ افراد تک خوراک پہنچانے کے لیے فوری طور پر9کروڑ 30 لاکھ ڈالر کی ضرورت ہے۔جبکہ اگلے 6 ماہ کیلئے 80 کروڑ ڈالر کی ضرورت ہے۔ 40 لاکھ افراد کو مارچ کے مقابلے میں نصف حصہ ملے گا۔ اگرچہ عطیہ دہندگان نے 2022 میں ریکارڈ رقم دی تھی، لیکن گزشتہ سال نومبر سے ڈبلیو ایف پی نے خبردار کیا تھا کہ فنڈز ختم ہو جائیں گے راشن کی ترسیل میں یہ کمی خاص طور پر سخت، مہلک سردی کے اختتام پرہوئی ہے،جب بہت سے کنبوں کوکھانے پینے کی اشیاء کی قلّت کا سامنا ہے ۔