Raza Musani 
قم المقدس : شہید قائد علامہ عارف حسین الحسینی کے تنظیمی ساتھی اور معروف تنظیمی شخصیت سید علی اوسط رضوی مختصر علالت کے بعد خالق حقیقی سے جا ملے۔ علی اوسط کچھ عرصے سے کورونا کے مرض میں مبتلا تھے، جس کے باعث وہ قم المقدس کے ہسپتال میں زیر علاج تھےعلی اوسط رضوی کا شمار پاکستان بالخصوص کراچی کے سینیئر تنظیمی اور فعال افراد میں ہوتا تھا مرحوم علی اوسط رضوی کو شیعہ قومیات کی انسائیکلوپیڈیا بھی کہا جائے تو غلط نہ ہوگاکیوں کہ وہ ایک ایک تاریخی واقعہ زبانی یاد رکھتے تھے وہ آئی ایس او کراچی اور مجلس وحدت مسلمین کراچی کے بانی اراکین میں سے تھے۔ آپ آل پاکستان شیعہ ایکشن کمیٹی کے مرکزی محرک بھی رہے جبکہ ایم ڈبلیو ایم کے مرکزی سیکریٹری سیاسیات کی ذمہ داری بھی انجام دیں مرحوم علی اوسط پاکستان عوامی تحریک کراچی کے صدر بھی رہے۔ مرحوم کے انتقال پر پاکستان بالخصوص کراچی کے تنظیمی رہنماؤں نے ان کے اہل خانہ سے تعزیت کا اظہار کیا ہے۔
