شہباز شریف دوسری بار پاکستان کے وزیرِ اعظم منتخب

اسلام آباد: مسلم لیگ ن اور اتحادی جماعتوں کے امیدوار شہباز شریف دوسری بار وزیرِ اعظم منتخب ہوگئے۔ قومی اسمبلی میں ووٹنگ کے دوران شہباز شریف نے 201 ووٹ لیے جبکہ سنی اتحاد کونسل کے امیدوار عمر ایوب نے 92 ووٹ حاصل کیے۔ شہبازشریف پاکستان کے 24 ویں وزیرِ اعظم اور 16 ویں قائدِ ایوان منتخب ہوئے۔ شہباز شریف نے اپنے انتخاب کے بعد قومی اسمبلی سے خطاب میں کہا ہے کہ ہم نے صبر و تحمل سے کام لیا۔ کبھی بدلے کی سیاست کا نہیں سوچا۔