Raza Musani 
کراچی: ملک بھر میں شبِ برأت عقیدت و احترام کے ساتھ منائی گئی۔ شب برأت کے اجتماعات میں مساجد میں خصوصی نوافل کی ادائیگی کی گئی۔ اللہ تعالیٰ کے حضور گناہوں سے توبہ، بخشش و مغفرت ،ایمان و سلامتی، رزق کی کشادگی اور پاکستان کی سلامتی کیلئے خصوصی دعائیں مانگی گئیں۔ شب برأت کے سلسلے میں شہر بھر میں مساجد کو برقی قمقموں سے سجایا گیا.
گھروں پر بھی نفلی عبادات کا اہتمام کیا گیا۔خصوصی رات پر بڑی تعداد میں لوگ نے فاتحہ خوانی کے لیے قبرستانوں کا رخ کیا اور اپنے پیاروں کی قبروں پر پھول چڑھانے کے ساتھ ساتھ ان کی مغفرت کے لیے فاتحہ خوانی کی۔ قبرستانوں کے باہر استقبالیہ کیمپ قائم کیے گئے تھے۔ شب برأت کی مناسبت سے گھروں میں نذر و نیاز کا بھی خصوصی اہتمام کیا گیا۔ فرزندان اسلام نے آج نفلی روزہ بھی رکھا ہے۔
