نوشکی اور پنجگور میں سیکیورٹی فورسز کا کلین اپ آپریشن، 13 دہشت گرد ہلاک

راولپنڈی : پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق نوشکی اور پنجگور میں سیکیورٹی فورسز کا کلین اپ آپریشن 13 دہشت گرد ہلاک ہوئے، فائرنگ کے نتیجےمیں 7جوان شہید جبکہ 4 زخمی ہوئے ہیں ، گزشتہ شب دہشت گردحملےناکام بنانے کےبعد فورسز نے کلین اپ آپریشن شروع کئے۔ سیکیورٹی فورسزنے دہشت گردوں کے دونوں حملے ناکام بنائے۔
آئی ایس پی آر کے مطابق نوشکی اور پنجگور میں کامیاب آپریشن کے بعد سرچ آپریشن بھی کئے، نوشکی آپریشن میں 5 دہشت گردوں کو ہلاک کیاگیا، پنجگور میں فرار دہشت گردوں کے خاتمےکیلئےآپریشن بدستور جاری ہے، 4 سے 5 دہشت گرد اس وقت بھی سیکیورٹی فورسز کے گھیرے میں ہیں۔
ترجمان پاک فوج کا کہنا ہے کہ ابتدائی تحقیقات کے دوران اہم انکشافات سامنے آئے ہیں،فورسز نے دہشت گردوں سے ہینڈلرز کے روابط کا ریکارڈ حاصل کر لیا، دہشت گردوں کے ہینڈلرز افغانستان اور بھارت میں موجود ہیں، دہشت گردوں سے جدید ترین امریکی اسلحہ برآمد ہوا جبکہ دہشت گردوں کی جانب سے پہنا گیا یونیفارم ،شوز امریکی ساختہ ہیں۔