Raza Musani 
نیویارک : اقوام متحدہ کی سلامتی کونسل نے امریکی صدر ٹرمپ کا بیس نکاتی غزہ منصوبہ منظور کرلیا۔ امریکی قرارداد کے حق میں تیرہ ممالک نے ووٹ دیا جبکہ روس اور چین نے ووٹنگ میں حصہ نہیں لیا۔ منصوبے میں بین الاقوامی استحکام فورس کا قیام اور بورڈ آف پیس کی تشکیل شامل ہے۔
حماس کو غیر مسلح کرنا اور غزہ کی تعمیر نو بھی منصوبے کا حصہ ہے۔
اجلاس سے خطاب میں امریکی مندوب نے پاکستان، مصر، قطر، اردن، سعودی عرب، متحدہ عرب امارات، ترکیہ اور انڈونیشیا کا، غزہ کے لیے مشترکہ کوششوں پر تعاون پر شکریہ ادا کیا۔
ووٹنگ سے پہلے خطاب کرتے ہوئے اقوام متحدہ میں امریکی ایلچی مائیک والٹز نے کونسل کو بتایا کہ آج، ہمارے پاس آگ بجھانے اور امن کی راہ روشن کرنے کی طاقت ہے۔ امریکی صدر ڈونلڈ ٹرمپ نے قرارداد کی منظوری کو اقوام متحدہ کی تاریخ کی بڑی کامیابی قرار دیا۔ ٹرمپ کا کہنا ہے کہ یہ منظوری دنیا بھر میں مزید امن کی راہ ہموار کرے گی۔
