Raza Musani 
جنیوا : امریکا اور ایران کے درمیان جوہری مذاکرات کا دوسرا دور آج جنیوا میں ہوگا۔ امریکی وزیر خارجہ مارکو روبیو نے کہا کہ ایران کے ساتھ معاہدے تک پہنچنا پیچیدہ ہے لیکن واشنگٹن کوشش کر رہا ہے۔ ایرانی وزیر خارجہ عباس عراقچی اعلیٰ سطح کے سفارتی اور ماہرین پر مشتمل وفد کے ہمراہ جنیوا پہنچ چکے ہیں جہاں وہ عمان کی میزبانی میں ہونیوالے جوہری مذاکرات میں شرکت کریں گے۔ یہ مذاکرات بھی بلواسطہ ہوں گے۔
ایرانی وزارتِ خارجہ کے ترجمان کے مطابق عباس عراقچی مذاکرات کے موقع پر متعدد سفارتی ملاقاتیں بھی کریں گے۔ امریکی وزیر خارجہ مارکو روبیو نے کہا ہےکہ ابھی تک کوئی بھی ایران کے ساتھ کامیاب معاہدے تک پہنچنے میں کامیاب نہیں ہوسکا، لیکن ہم نتیجہ خیز سمجھوتے تک پہنچنے کی کوشش کر رہے ہیں۔
