Raza Musani 
نیویارک: سعودی عرب نے شام ، یوکرین۔ سوڈان اور دیگر عالمی بحرانوں کے پر امن حل پر زور دیا ہے۔اقوام متحدہ کی جنرل اسمبلی سے خطاب میں سعودی وزیر خارجہ شہزادہ فیصل بن فرحان نے اسرائیل فلسطین تنازع کے حل کےلیے سعودی عرب کی حمایت کا اعادہ کیا۔ جو فلسطینی عوام کو 1967 کی سرحدوں کے اندر ایک آزاد ریاست قائم کرنے کی اجازت دیتا ہے جس کا دارالحکومت مشرقی یروشلم ہوگا۔انہوں نےمزید کہا کہ سعودی عرب، اقوام متحدہ کے میثاق اور بین الاقوامی قوانین کی پاسداری پر زور دیتا ہے۔اقوام عالم کی خودمختاری، اندرونی معاملات میں عدم مداخلت اور تنازعات کو پرامن طریقے سے حل کرنے کے قائل ہیں۔ سعودی وزیر خارجہ کا کہنا تھا کہ جوہری ہتھیاروں کے خاتمے کے حوالے سے کی جانے والی کوششوں کو سراہتے ہیں جس کا مقصد دنیا خصوصاً جوہری ہتھیاروں سے پاک کرنا ہے۔ سعودی وزیر خارجہ نے عالمی برادری سے اسلامو فوبیا کے خلاف کارروائی کا بھی مطالبہ کیا۔
