Raza Musani 
واشنگٹن : سعودی عرب اور امریکہ کے درمیان ایف تھرٹی فائیو جہاز، ٹینک، جوہری توانائی اور اے آئی کے معاہدے طے پاگئے۔امریکی صدر ڈونلڈ ٹرمپ اور سعودی ولی عہد محمد بن سلمان کی ملاقات کے بعد وائٹ ہاؤس سے جاری اعلامیہ میں کہا گیاہے کہ امریکی صدر ڈونلڈ ٹرمپ نے سعودی عرب کے ساتھ دفاعی اور تکنیکی معاہدوں کے ایک پیکج کی منظوری دے دی ہے۔
اعلامیہ کے مطابق امریکا سعودی فضائی صلاحیتوں کو مضبوط بنانے کیلئے ایف تھرٹی فائیو طیارے اور تین سو ٹینک فروخت کرے گا۔ دونوں ممالک نے پر امن جوہری توانائی کے شعبے میں تعاون کا بھی معاہدہ کیا ہے۔ مصنوعی ذہانت کے میدان میں ایک تاریخی مفاہمتی یادداشت پر دستخط بھی کئے گئے۔ امریکی صدر ٹرمپ نے سعودی عرب کو اہم غیر نیٹو اتحادی کا درجہ دے دیا۔ سعودی ولی عہد محمد بن سلمان نے امریکہ میں مجموعی طور پر دس کھرب ڈالر کی سرمایہ کاری کا وعدہ کیا۔ محمد بن سلمان نے کہا کہ سعودی عرب ابراہیمی معاہدے کا حصہ بننے میں دلچسپی رکھتا ہے، مگر اس کے لیے فلسطین کے دو ریاستی حل تک جانے والا راستہ یقینی بنانا لازمی ہے۔
