Raza Musani 
ریاض : سعودی عرب اور فرانس نے دفاعی تعاون مضبوط بنانے پر اتفاق کیا ہے۔ فرانس کے وزیر دفاع نے اپنی سعودی ہم منصب شہزادہ خالد بن سلمان سے ٹیلی فون پر رابطہ کیا۔ دونوں وزراء نے دفاعی شعبے میں تاریخی شراکت داری کو مزید گہرا کرنے کی مشترکہ خواہش کا اظہار کیا ہے۔ دونوں وزرائے دفاع نے کئی علاقائی اور بین الاقوامی مسائل پر بھی تبادلہ خیال کیا۔ فرانسیسی وزارت دفاع نے کہاکہ فرانس خطرات کے پیش نظر سعودی عرب کے ساتھ دفاعی تعاون کو مضبوط بنائے گا۔ دونوں رہنماؤں نے فرانس اور سعودی عرب کے مفادات کو لاحق خطرات اور مشرق وسطیٰ اور یورپ کی سلامتی اور استحکام کے حوالے سے بات چیت کو مضبوط بنانے پر اتفاق کیا۔
