Raza Musani 
ہیومن رائٹس واچ نے بین الاقوامی برادری سے مطالبہ کیا ہے کہ وہ عالمی عدالت انصاف کے حکم کی تعمیل نہ کرنے پر صیہونی حکومت کے خلاف پابندیاں لگائیں۔
ہیومن رائٹس واچ نے سوشل میڈیا کے ایکس نیٹ ورک پر لکھا کہ ممالک کو چاہیے کہ وہ اسرائیل کے خلاف ٹارگٹڈ پابندیاں عائد کریں اور بین الاقوامی عدالت انصاف کے حکم کی تعمیل کے لیے اس حکومت کو ہتھیار دینے سے گریز کریں۔
انسانی حقوق کی اس تنظیم نے نشاندہی کی کہ تل ابیب نے ہیگ میں بین الاقوامی عدالت کے احکامات کی خلاف ورزی کی ہے اور وہ غزہ کی پٹی میں فلسطینیوں کو امداد اور بنیادی خدمات فراہم کرنے کے لیے اقدامات نہیں کر رہا ہے۔ جنوری کے اواخر میں، بین الاقوامی عدالت انصاف نے صیہونی حکومت سے مطالبہ کیا تھا کہ وہ کسی بھی ایسے اقدام کو روکے جسے نسل کشی کا جرم سمجھا جاتا ہے اور غزہ میں نسل کشی کو بھڑکانے والے عوامی تبصروں یا بیانات سے پرہیز کیا جائے۔
عالمی عدالت انصاف نے صیہونی حکومت سے یہ بھی کہا کہ وہ غزہ تک انسانی امداد کی فراہمی کو یقینی بنانے کے لیے تمام اقدامات کرے۔
