روس کا یوکرین پر میزائل اور ڈرون سے حملہ، 9 افراد ہلاک

کیف : روسی فوج نے یوکرین میں کئی مقامات کو میزائل حملوں کا نشانہ بنایا۔ جس سے 9 افراد ہلاک اور متعدد زخمی ہوگئے۔ روسی فوج نے گذشتہ رات یوکرین میں مختلف شہروں میں مقررہ اہداف پر میزائلوں اور ڈرون سے حملہ کیا۔ کیف میں ڈرون ایک رہائشی عمارت سے ٹکراگیا جس سے عمارت کو نقصان پہنچا۔ ریسکیو ٹیموں نے موقع پر پہنچ کر زخمیوں اور لاشوں کو اسپتال منتقل کیا۔ زخمیوں میں ایک 11 سالہ بچہ بھی شامل ہے۔ یوکرینی فوج نے کہا ہے کہ اس نے روس کے 21 ڈرونز میں سے 16 کو مار گرایا ہے۔ دوسری جانب روس سے الحاق شدہ کریمیا کے حکام نے کہا کہ ان کے بحری بیڑے پر یوکرین کے ڈرون حملے کو پسپا کر دیا گیا۔