Raza Musani 
ماسکو: روس نے پیوٹن کے وارنٹ گرفتاری جاری کرنے پر بین الاقوامی فوجداری عدالت کے پراسیکیوٹر اور ججوں کے خلاف مقدمہ دائر کردیا۔ ماسکو میں روسی تحقیقاتی کمیٹی نے کہا ہے کہ بین الاقوامی فوجداری عدالت نے جان بوجھ کر ایک بے گناہ شخص پر جرم کا الزام لگایا ہے۔ صدر پیوٹن پر عائد الزامات کی کوئی بنیاد نہیں ہے۔ آئی سی سی پراسیکیوٹر کے اقدامات روسی قانون کے تحت جرائم کے زمرے میں نہیں آتے ہیں۔ کمیٹی نے مزید کہا کہ سربراہان مملکت کو 1973 کے اقوام متحدہ کنونشن کے تحت مکمل استثناء حاصل ہے۔ مجرمانہ پراسیکیوشن واضح طور پر غیر قانونی ہے، کیونکہ مجرمانہ ذمہ داری کی کوئی بنیاد نہیں ہے۔ واضح رہے کہ یوکرین سے بچوں کو روس بھیجنے کے جنگی جرم کے الزام پر پیوٹن کے وارنٹ گرفتاری جاری کیے گئے ہیں۔
