Raza Musani 
کابل : روس نے افغانستان میں طالبان کی حکومت کو باضابطہ طور پر تسلیم کر لیا ہے۔ کابل میں روسی سفیر دمتری ژیرنوف نے افغان وزیر خارجہ امیر خان متقی سے ملاقات کی اور اپنی حکومت کے فیصلے سے آگاہ کیا جو اس فیصلے کی اہمیت کو واضح کرتا ہے۔
ژیرنوف نے فیصلے کو دونوں ممالک کے درمیان تعلقات مضبوط بنانے کی جانب ایک تاریخی قدم قرار دیا۔ ژیرنوف نے بتایا کہ یہ فیصلہ صدر ولادیمیر پیوٹن نے وزیر خارجہ سرگئی لاوروف کی تجویز پر کیا ہے۔ امیر خان متقی نے امید ظاہر کی کہ اس فیصلے سے تعاون میں اضافہ ہوگا اور افغانستان اور روس کے درمیان تعلقات کو مزید تقویت ملے گی۔ روسی فیڈریشن کا فیصلہ اہم پیشرفت کے طور پر یاد رکھا جائے گا۔
