Raza Musani 
ماسکو: روس میں بچوں کے حقوق کے لئے کام کرنے والی خاتون ماریا لوووا بلووا نے کنسرٹ ہال میں سو سے زیادہ افراد کی جان بچانے والے 15 سالہ مسلم لڑکے اسلام خلیل اوف کو ایوارڈ دیا ہے۔ ماریا لوووا بلووا ایوارڈ دینے کے لئے اس اسکول میں پہنچی جہاں اسلام خلیل اوف پڑھتا ہے۔ اسکول میں ایک پروقار تقریب کا انعقاد کیا گیا جس میں ایک پروقار ماحول میں خلیل اوف کو ایوارڈ پیش کیا گیا۔ خلیل اوف کروکس سٹی ہال میں کلوک روم اٹینڈینٹ کے طور پر جز وقتی کام کرتا ہے۔ حملے کے وقت لڑکے نے لوگوں کو گھبراہٹ اور پریشانی کی حالت میں دیکھا۔ وہ سمجھ نہیں پا رہے تھے کہ اپنی جان بچانے کے لیے کیا کریں۔ ایسے میں نوجوان نے لوگوں کو باہر نکلنے کا راستہ دکھایا۔
