روس اور امارات کا ایران تنازع پر سفارتی کوششیں جاری رکھنے پر زور

ماسکو : روسی صدر ولادیمیر پیوٹن اور عرب امارات کے صدر شیخ محمد بن زاید النہیان نے ٹیلیفونک رابطے میں ایران تنازع پر سیاسی و سفارتی کوششیں جاری رکھنے کی ضرورت پر زور دیا ہے۔ کریملن کے مطابق روسی صدر ولادیمیر پیوٹن نے شیخ محمد بن زاید النہیان سے ٹیلیفون پر گفتگو میں خطے کی صورتحال پر تبادلہ خیال کیا۔ دونوں رہنماؤں نے اس بات پر زور دیا کہ موجودہ بحران کے حل کے لیے سیاسی اور سفارتی اقدامات جاری رہنے چاہییں تاکہ مفاہمت پر مبنی امن معاہدوں تک پہنچا جا سکے۔ اماراتی خبر رساں ادارے وام کے مطابق گفتگو میں مشرقِ وسطیٰ کی تازہ پیش رفت اور اس کے علاقائی و عالمی امن و سلامتی پر اثرات کا جائزہ لیا گیا۔ دونوں رہنماؤں نے بین الاقوامی بحری راستوں کی آزادی، توانائی کے تحفظ اور عالمی معیشت پر ممکنہ اثرات پر بھی بات چیت کی۔