Raza Musani 
اسلام آباد: مجلس وحدت مسلمین کے سربراہ علامہ راجہ ناصر عباس نے کہاہے کہ عوام کے ٹھکرائے ہوئے لوگوں کا مقصد قانون کی حکمرانی نہیں ہو سکتا۔ اپنی خواہشات کی تکمیل انکا مقصد ہے۔ ہم اس ملک کی بہتری کے ساتھ کھڑے ہیں اس ملک کی عزت احترام چاہتے ہیں۔ پولیس والوں کا حق ہے کہ اگر کسی نے جرم کیا کے تو اسے پکڑیں نہ کہ اسے تھپڑ ماریں۔ انہوں نے کہا کہ ہم نے بانی پی ٹی آئی سے ملاقات کے لیے درخواست دی تھی جس پر عمل نہیں ہوا۔ دستور کے مطابق ہمارا بنیادی حق ہائی کورٹ نے دیا ہے۔ مجھے امید ہے کوئی رکاوٹ نہیں کھڑی کی جائے گی اور ہماری ملاقات کروائی جائے گی۔ اسلام آباد ہائیکورٹ نے سپرنٹینڈنٹ اڈیالہ جیل کو ایم ڈبلیو ایم کے سربراہ علامہ راجہ ناصر عباس کی بانی پی ٹی آئی سے جیل میں ملاقات کرانے کی ہدایت کردی۔ عدالت نے سپرنٹینڈنٹ جیل سے تحریری رپورٹ بھی طلب کر لی۔
