شام میں امریکی فوجی اڈوں پر راکٹ حملہ، 3 فوجی زخمی

دمشق : مشرقی شام میں امریکی زیر قبضہ فوجی اڈوں پر راکٹ حملے کئےگئے جس میں 3 امریکی فوجی زخمی ہوگئے۔ کئی راکٹوں نے دیرالزور کے دیہی علاقوں میں العمر اور کونیکو آئل فیلڈز میں امریکی قابض فوج کے زیر انتظام اڈوں کو نشانہ بنایا۔ فوجی اڈے پر 5 راکٹ داغے گئے۔ علاقے سے دھویں کے بادل اٹھتے ہوئے دیکھے گئے۔ قابض امریکی افواج نے علاقے کو سیل کر دیا ہے۔ راکٹ حملے کے بعد امریکی طیاروں نے علاقے میں وسیع پروازیں شروع کر دی ہیں۔