انکشافات سے ثابت ہوتا ہے کہ حملوں میں انڈیا ملوث ہے، پاکستان

اسلام آباد: پاکستان نے بلوچستان میں دہشت گرد حملوں کی منصوبہ بندی کا ذمہ دار انڈیا کو قرار دے دیا۔ وزیر دفاع خواجہ آصف نے کہا کہ انکشافات سے ثابت ہوتا ہے کہ حملوں میں انڈیا ملوث ہے۔ وزیر دفاع خواجہ آصف نے نیوز کانفرنس میں کہا کہ انڈیا اور افغانستان بلوچستان لبریشن آرمی اور تحریک طالبان پاکستان جیسی فرنچائز استعمال کررہے ہیں۔ انڈیا کی جانب سے دہشت گردوں کو فنڈنگ کی جاتی ہے۔ انہوں نے کہا کہ مودی اسرائیل کی خوشنودی اور امریکا کی قربت کے لیے مجرے کراتے ہیں اور خود بھی ڈانس کرتے ہیں۔
اس سے پہلے وزیرداخلہ محسن نقوی نے کہا تھا کہ بلوچستان میں حملوں کے پیچھے انڈیا ہے۔ اس نے حملوں کی منصوبہ بندی کی۔ دنیا کو ضرور پتا چلنا چاہیے کہ یہ حملے انڈیا نے کرائے۔ وزیراعلیٰ بلوچستان میر سرفراز بگٹی کہتے ہیں دہشت گردوں کے ساتھ مقابلے میں سترہ سیکیورٹی اہلکار شہید ہوئے جب کہ ایک سو پینتالیس دہشت گردوں کی لاشیں ہمارے پاس موجود ہیں۔ انہوں نے کہا کہ دہشت گردوں نے 31 معصوم شہریوں کو بھی قتل کیا۔