Raza Musani 
تہران : ایرانی وزارت خارجہ کے ترجمان ناصر کنعانی نے کہا ہے کہ خطے کے مزاحمتی گروہ ایران سے ہدایات نہیں لیتے۔ ایران کے خلاف بلیم گیم بے سود ہے۔ ناصر کنعانی نے کہا کہ غزہ میں موجودہ بحران کے آغاز سے ہی ایران نے بارہا فلسطینی عوام کے خلاف صیہونی حکومت کے مسلسل حملوں اور امریکہ کی حمایت کی وجہ سے خطے میں تنازعات کا دائرہ وسیع ہونے کے خطرے کے بارے میں خبردار کیا۔ ایرانی وزارت خارجہ کے ترجمان نے مزید کہا کہ ایران، خطے میں امن، استحکام اور سلامتی کو برقرار رکھنے کی اہمیت پر ایک بار پھر زور دیتے ہوئے اس بات پر یقین رکھتا ہے کہ غزہ میں جنگ کسی مسئلے کا حل نہیں ہے اور صیہونی حکومت کے حملوں کا خاتمہ ضروری ہے اور فوری جنگ بندی سے ہی خطے میں امن کی واپسی ممکن ہے۔
