Raza Musani 
غزہ : غزہ میں دوبارہ جنگ کے بادل منڈلانے لگے۔ فلسطینیوں نے خدشات کے پیش نظر شمال میں گھروں کی واپسی روک دی ہے۔ صیہونی حکومت نے غزہ میں جنگ دوبارہ شروع کرنے کیلئے ریزرو فوجیوں کو پھر طلب کر لیا ہے۔ غزہ کی سرحدوں کے گرد فوجیوں کی تعیناتی میں اضافہ کردیا ہے اور انہیں کارروائی کیلئے الرٹ رہنے کا کہا گیا ہے۔ نیٹزارم راہدری کے اطراف بھی صیہونی فوجیوں نے پیشقدمی کی ہے تاہم ابھی راہداری بند نہیں کی گئی ہے. صیہونی وزیردفاع اسرائیل کاٹز نے کہاہے کہ اگر ہفتے تک یرغمالی رہا نہ ہوئے تو غزہ پر جہنم کے دروازے کھل جائیں گے۔ جنگ اپنی شدت اور پیمانے میں بہت مختلف ہوگی۔ ادھر جنگ بندی کے خاتمے کے بڑھتے ہوئے خدشات کے پیش نظر فلسطینیوں نے شمال میں اپنے گھروں کو واپس جانے کے منصوبے ملتوی کردئے ہیں۔
