غزہ میں جنگ کی بحالی سے ہر قیمت پر گریز کیا جانا چاہیے، انتونیو گوتریس

نیویارک: اقوام متحدہ کے سربراہ انتونیو گوتریس نے کہا ہے کہ غزہ میں جنگ کی بحالی سے ہر قیمت پر گریز کیا جانا چاہیے۔ انتونیو گوتیرس نے جنیوا میں اقوام متحدہ کی انسانی حقوق کونسل سے خطاب میں کہا ہے کہ غزہ میں اسرائیل اور حماس کے درمیان غیر یقینی جنگ بندی کو برقرار رکھا جانا چاہیے۔ انہوں نے مقبوضہ مغربی کنارے میں بڑھتے ہوئے اسرائیلی حملوں پر بھی تشویش کا اظہار کیا۔ گوتریس نے کہا کہ وہ اسرائیلی آباد کاروں کی طرف سے مقبوضہ مغربی کنارے میں بڑھتے ہوئے تشدد اور دیگر خلاف ورزیوں کے ساتھ ساتھ الحاق کے مطالبات پر سخت فکر مند ہیں۔