ناکابندی کے باعث غزہ میں امدادی کوششیں تباہی کے دہانے پر ہیں، ریڈکراس

غزہ : انٹرنیشنل کمیٹی آف ریڈ کراس نے خبردار کیا ہےکہ اسرائیل کی ناکابندی کی وجہ سے غزہ کی امدادی کوششیں تباہی کے دہانے پر ہیں۔
آئی سی آر سی نے ایک بیان میں کہاہے کہ امداد کی فراہمی فوری طور پر دوبارہ شروع کیے بغیر ریڈ کراس کو غزہ میں اپنے بہت سے پروگراموں کو برقرار رکھنے کے لیے ضروری خوراک، ادویات اور زندگی بچانے والے سامان تک رسائی حاصل نہیں ہوگی۔ آئی سی آر سی نے متنبہ کیا کہ اگر ناکا بندی جاری رہی تو غزہ میں اس کی انسانی بنیادوں پر کارروائیاں، خاص طور پر خوراک کی تقسیم صرف چند ہفتوں تک کام کر سکے گی۔ بیان میں مزید کہا گیاہے کہ بین الاقوامی انسانی قانون کے تحت، اسرائیل کی یہ ذمہ داری ہے کہ وہ تمام دستیاب ذرائع استعمال کرے تاکہ اس کے زیر کنٹرول فلسطینی شہریوں کی ضروریات پوری ہوں۔