Raza Musani 
کراچی: بینک الفلاح نے مبینہ طور پر فلسطین کیلئے عطیات کو اپنے بینک میں جمع کرنے سے انکار کر دیا ہے۔ بینک کی جانب سے تمام گروپ ہیڈ اور منیجرز کے نام نوٹیفکیشن جاری کیا گیا ہے جس میں انہیں فلسطینی سفیر سمیت تین بینک اکاؤنٹس کی نشاندہی کی گئی ہے اور ہدایت کی گئی ہے کہ ان اکاؤنٹس میں کسی قسم کے عطیات وصول نہ کئے جائیں۔ بینک کے اعلان پر عوام نے شدید غم وغصہ کا اظہار کیا ہے اور سوشل میڈیا پلیٹ فارم ایکس سابقہ ٹوئٹر پر بائیکاٹ بینک الفلاح کا ٹرینڈ ٹاپ پر آگیا ہے جس میں لوگوں کو بینک سے اپنے پیسے نکالنے کی اپیل کی جارہی ہے۔
