Raza Musani 
Indian workers gather to seek employment in Israel during a recruitment drive in Lucknow, capital of India’s Uttar Pradesh state on Jan. 25, 2024. (AFP)
نئی دہلی : اسرائیل میں ہندوستانی محنت کشوں کے قانونی تحفظ کی عدم فراہمی پر مزدور تنظیمیں سراپا احتجاج ہیں۔ ہندوستان میں اسرائیل کیلئے محنت کشوں کی بھرتی مہم کا آغاز ہوچکا ہے۔ جبکہ مزدور یونینز اس پر تحفظات کا اظہار کررہی ہیں ان کا کہناہے کہ یہ واضح نہیں ہےکہ مزدوروں کی ذمہ داری کون لے گا کیونکہ وہ ہندوستان کے امیگریٹ سسٹم میں رجسٹرڈ نہیں ہوں گے جوکہ حکومت کے ماتحت ہوتا ہے۔کنسٹرکشن ورکرز فیڈریشن آف انڈیا کی صدر کے ہیملتا نے کہاہے کہ وزارت محنت، صوبائی حکومت۔ نیشنل اسکل ڈویلپمنٹ کارپوریشن اور وزارت خارجہ سمیت کوئی ذمہ داری نہیں لے رہاہے۔ آل انڈیا سینٹرل کونسل آف ٹریڈ یونینز کی سیکریٹری سوچیتا ڈی نے کہا کہ ان کی اپنی حکومت شہریوں کی زندگیاں خطرے میں ڈال رہی ہے۔ انڈین ٹریڈ یونینیز آغاز سے ہی اسرائیل میں ہندوستانی کارکنوں کی ملازمت کی مخالفت کر رہی ہیں۔
