غزہ پر رات بھر آتش وآہن کی بارش، 24 گھنٹوں میں مزید 400 فلسطینی شہید

غزہ: صیہونی فوج نے غزہ میں تباہی مچادی۔ خان یونس ۔ جبالیہ سمیت جگہ جگہ رہائشی عمارتوں پر بم برستے رہے۔ چوبیس گھنٹوں میں شہادتیں چار سو سے تجاوز کرگئیں۔ غزہ میں گذشتہ رات بھی صیہونی جنگی طیاروں کے حملے جاری رہے۔ جبالیہ پناہ گزین کیمپ پر حملے میں 20 افراد شہید اور درجنوں زخمی ہوئے۔ رفح میں میزائل حملوں میں پانچ رہائشی ٹاورز زمین بوس ہوگئے۔ حملے میں پچاس سے زائد افراد شہید اور درجنوں ملبے تلے دب گئے۔ صیہونی حملوں میں زیادہ تر خواتین اور بچے شہید اور زخمی ہوئے۔ صیہونی طیاروں نے القدس اور الشفا اسپتالوں کے اطراف عمارتوں کو نشانہ بنایا جس سے دونوں اسپتالوں کو سنگین خطرات لاحق ہوگئے ہیں۔ چوبیس گھنٹوں میں چار سو شہادتوں سے مجموعی تعداد 4 ہزار سات سو سے زائد ہوگئی ہے۔
ادھر حماس نے صیہونی فوج کی غزہ میں داخلےکی کوشش ناکام بنادی۔ گھات لگاکر حملے میں اسرائیلی فوج کے 2 بلڈوزر اور ایک ٹینک کوتباہ کردیا۔ صیہونی فوجی راہ فرار اختیار کرگئے۔