Raza Musani 
جالندھر: ہندوستان کے صوبے پنجاب میں پولیس کی تین دن سے جاری چھاپہ مار کارروائیوں کے باوجود خالصتان تحریک کے لیڈر امرت پال سنگھ کو گرفتار نہیں کیا جاسکا۔ پنجاب پولیس نے خالصتان کے حامی اور وارث پنجاب دے کے سربراہ امرت پال سنگھ کو پکڑنے کیلئے ہفتے کو مہم شروع کی تھی جو اتوار کو رات گئے تک جاری رہی۔ پولیس نے امرت پال سنگھ کے چار معاونین کو گرفتار کرکے آسام کے ڈبروگڑھ لے جایا گیا۔ چاروں ملزمان کو ڈبروگڑھ سینٹرل جیل میں قید رکھا جائے گا۔ کسی بھی ناخوشگوار واقعے کو روکنے کے لیے پولیس نے سی آر پی ایف کے جوانوں کے ساتھ پنجاب بھر میں فلیگ مارچ کیا۔ انٹرنیٹ کی معطلی کو بڑھا دیا گیا ہے ۔ ادھر امرت پال سنگھ کے قانونی مشیر ایمان سنگھ کھارا نے دعویٰ کیا ہے کہ پنجاب پولیس نے امرت پال سنگھ کو شاہکوٹ پولیس اسٹیشن سے گرفتار کر لیا ہے اور اسے جعلی مقابلے میں ہلاک کردیا جائے گا۔ پنجاب اور ہریانہ ہائیکورٹ میں حکومت کیخلاف پٹیشن دائر کردی ہے۔
