Raza Musani 
اسلام آباد : پاکستان سے امریکا جانے کے خواہشمندوں کی قطاریں لگ گئیں۔ ویزہ انٹرویو کیلئے آئندہ سال کا وقت دیا جارہا ہے۔ امریکی سفارتخانے کا کہنا ہے کہ ماضی کی نسبت زیادہ سے زیادہ ویزا درخواستیں نمٹانے کےلیے کوشاں ہیں۔ ویزا درخواست گزاروں کےلیے اپائنٹمنٹ کے انتظار میں کمی کے اقدامات کیے جارہے ہیں۔ سفارتخانے کا کہنا ہے کہ پاکستان سے امریکی ویزوں کی طلب اب تک کی بلند ترین سطح پر پہنچ چکی ہے درخواست گزاروں کی سہولت کےلیے تین طریقوں سے کام کر رہے ہیں۔ نان امیگرنٹ ویزا کےلیے ہزاروں درخواستوں پر عمل درآمد تیز کردیا گیا ہے۔ 10 ہزار درخواست گزاروں کی پہلے سے 2024 میں طے اپائنٹمنٹ کی مدت کم کردی ہے، قونصل خانہ کراچی میں 10 ہزار درخواست گزاروں کی مدت اب 2023 مقرر کی جارہی ہے۔ سفارتخانے کا یہ بھی کہنا تھا کہ 25 ستمبر سے کراچی میں انٹرویو سے مستثنٰی امیدواروں کی درخواستیں قبول کی جارہی ہیں۔
