قطر اور ایران کا اقتصادی تعاون بڑھانے پر اتفاق

تہران: ایران کے صدر آیت اللہ سید ابراہیم رئیسی کی قطر کے امیر شیخ تمیم بن حمد الثانی کے ساتھ فون پر بات چیت ہوئی جس میں صدر رئیسی نے کہا کہ ایران اور قطر اپنے قریبی خیالات کی وجہ سے ایک دوسرے کے ساتھ دوطرفہ،علاقائی اور بین الاقوامی تعاون کو وسعت دینےکی اچھی صلاحیت رکھتے ہیں۔ ایران نے ہمیشہ قطر کے ساتھ تعلقات کی سطح کو بڑھانے اور تعاون کو وسعت دینے پر زور دیا ہے اور وہ دوطرفہ تعلقات کو علاقائی اور بین الاقوامی تعاون کی سطح پر ممکن حد تک مضبوط کرنے کا ذریعہ سمجھتا ہے۔قطر کے امیر شیخ تمیم بن حمد الثانی نے کہا کہ دونوں ملکوں کے درمیان تعلقات میں پیش رفت لانے کے لئے ہونے والی گفتگو اور مشاورت کو دیکھتے ہوئے ہم مستقبل قریب میں اقتصادی تعاون کے لیے مشترکہ کمیشن کے قیام کے لیے تیار ہیں۔