وزیر مذہبی امور پنجاب کا قرآن بورڈ اور متحدہ علما بورڈ کو پوری طرح متحرک کرنے کا اعلان

لاہور: پنجاب کے وزیر مذہبی امور و اوقاف چوہدری شافع حسین نے قرآن کمپلیکس کا دورہ کیا اور لائبریری، لیکچر ہال،خاتم الانبین یونیورسٹی کی عمارت اور دفاتر کا معائنہ کیا۔ صوبائی وزیر نے لائبریری میں کتابوں پر پڑی گرد پر سخت برہمی کا اظہار کرتے ہوئے لائبریری کی مناسب دیکھ بھال کی ہدایت کی۔ صوبائی وزیر کو قرآن بورڈ میں محکمہ اوقاف و مذہبی امور کی اسکیموں بارے بریفنگ دی گئی۔ سیکرٹری اوقاف ڈاکٹر طاہر رضا بخاری نے ترقیاتی اسکیموں پر پیشرفت بارے آگاہ کیا۔ صوبائی وزیر نے ترقیاتی اسکیموں کی بروقت، شفاف اور معیاری تکمیل یقینی بنانے کی ہدایت کی اور کہا کہ ترقیاتی اسکیموں کی بروقت تکمیل کیلئے فالو اپ ضروری ہے۔