Raza Musani 
اسلام آباد: پی ٹی آئی نے سنی اتحاد کونسل کے ساتھ اتحاد کا اعلان کردیا، بیرسٹر گوہر نے کہا ہے کہ ہمارے امیدوار قومی اور چاروں صوبائی اسمبلیوں میں سنی اتحاد کونسل سے اتحاد کریں گے۔ اس بات کا علان پی ٹی آئی رہنما بیرسٹر گوہیر، عمر ایوب نے ایم ڈبلیو ایم اور سنی اتحاد کونسل کے رہنماؤں کے ساتھ مشترکہ پریس کانفرنس میں کیا۔ بیرسٹر گوہر نے کہا کہ حمایت یافتہ امیدوار تمام صوبوں میں جیتے ہیں، پی ٹی آئی قومی اسمبلی کی 180 نشستیں جیت چکی ہے، ہمارے امیدوار قومی اسمبلی، پنجاب اسمبلی اور کے پی اسمبلی میں سنی اتحاد کونسل کو جوائن کریں گے۔
