علامہ راجہ ناصر عباس سے پی ٹی آئی وفد کی ملاقات

راولپنڈی: مجلس وحدت مسلمین کے چیئرمین علامہ راجہ ناصر عباس جعفری سے ان کی رہائش گاہ پر سابق اسپیکر قومی اسمبلی اور تحریک انصاف کے رہنما اسد قیصر نے ملاقات کی۔ ملاقات میں سیاسی صورتحال اور مستقبل کے سیاسی لائحہ عمل پر تفصیلی تبادلہ خیال کیا گیا۔ ملاقات میں مرکزی جنرل سیکرٹری مجلس وحدت مسلمین پاکستان سید ناصر عباس شیرازی اور دیگر رہنما بھی شریک تھے۔ اس موقع پر مینڈیٹ چوری کے بعد حکومت مخالف جماعتوں کے موقف پر بھی تبادلہ خیال کیا گیا۔