Raza Musani 
اسلام آباد: سابق وزیراعظم کو عدالتی حکم پر اٹک سے اڈیالہ جیل منتقل کر دیا گیا ہے۔ اسلام آباد ہائیکورٹ نے سائفر کیس میں پی ٹی آئی چیئرمین کی درخواست ضمانت کی سماعت کی۔ عدالت نے دوران سماعت کہا کہ توشہ خانہ کیس میں سزا معطلی کے بعد پی ٹی آئی چیئرمین انڈر ٹرائل قیدی ہیں جبکہ صرف سزا یافتہ قیدیوں کو پنجاب کی کسی بھی جیل میں منتقل کیا جا سکتا ہے۔ عدالت کے حکم پر پی ٹی آئی چیئرمین کو سخت پہرے میں اٹک سے اڈیالہ جیل منتقل کردیا گیا۔ انہیں جیل میں سابق وزیراعظم کی تمام سہولیات فراہم کی گئی ہیں۔ اس سے پہلے سماعت کے دوران ایف آ ئی اے نے درخواست ضمانت کی ان کیمرہ سماعت کی استدعا کی جس پر عدالت نےعلیحدہ درخواست دائر کرنے کی ہدایت کی ۔ادھر سائفر کیس میں خصوصی عدالت نے پی ٹی آئی چیئرمین اور شاہ محمود قریشی کی 10 اکتوبر تک جوڈیشل ریمانڈ منظور کرلیا۔
