Raza Musani 
مناما : بحرین میں آل خلیفہ کی جابرانہ پالیسیوں کے خلاف اور قیدیوں کی رہائی کے لئے عوام نے ایک بار پھرمظاہرہ کر کے سیاسی قیدیوں کی رہائی کامطالبہ کیا ہے۔ السنابس میں درجنوں شہری سڑکوں پر نکل آئے اور ایک بار پھر عبدالجلیل السنیکس اور دیگر قیدیوں کی فوری رہائی کیلئے احتجاجی مظاہرہ کیا۔مظاہرین اپنے ہاتھوں میں پلے کارڈز اٹھائے ہوئے تھے جن میں قیدیوں کی رہائی کا مطالبہ کیا گیا تھا۔ انسانی حقوق کے سرگرم رہنما ابتسام صایغ کا کہناہے کہ عبدالجلیل نے گزشتہ 144 دنوں سے بھوک ہڑتال کی جس کی وجہ سے ان کی حالت تشویشناک ہو گئی ہے۔ اس کے باوجود ابھی تک آل خلیفہ کی حکومت اس مقدمے کی سماعت کرنے کی اجازت نہیں دے رہی ہے۔دو روز قبل بھی عوام نے سیاسی قیدیوں کی رہائی کیلئے مظاہرہ کیا تھا اور دھرنا دیا تھا۔
