غزہ میں جنگ بندی کے لیے دنیا بھر میں مظاہرے، اسرائیلی ہٹ دھرمی برقرار

ایمسٹرڈیم : غزہ میں جنگ بندی اور اسرائیلی بربریت روکنے کیلئے دنیا بھر میں مظاہروں میں شدت آگئی۔نیدرلینڈ کے شہر ایمسٹرڈیم کے شیفول ایئرپورٹ پر فلسطین کے حامیوں نے احتجاج کیا اور فری فلسطین کے نعرے لگائے۔
نیوزی لینڈ کے شہر آکلینڈ میں بھی ہزاروں افراد سڑکوں پر نکل آئے اور روایتی ہاکا ڈانس کرکے فلسطینیوں سے اظہار یکجہتی کیا۔
امریکا کے شہر کولمبس میں سینکڑوں افراد نے سٹی کونسل کو بند کر کے جنگ بندی کا مطالبہ کیا۔ اور فری فلسطین کے نعرے لگائے۔
استنبول میں مصری سفارتخانے کے سامنے مظاہرہ کیا گیا مظاہرین نے غزہ میں امدادی سامان داخل کرنے کے لیے رفح کراسنگ کھولنے کا مطالبہ کیا۔
ایران کے شہر تہران میں فلسطین اسکوائر پر غزہ میں شہید ہزاروں بچوں کی یاد میں پھول رکھے گئے۔ مغربی کنارے نابلس میں غزہ کے بچوں کی حمایت میں احتجاج کیا گیا۔