غزہ میں جنگ بندی کیلئے دوحہ مذاکرات میں پیشرفت

دوحہ : غزہ میں جنگ بندی کیلئے قطر کے دارالحکومت دوحہ میں حماس اور اسرائیل مذاکرات میں پیش رفت ہوئی ہے۔ اس موقع پر دونوں فریق جنگ بندی اور قیدیوں کے تبادلے پر تیار ہوگئے ہیں۔ مذاکرات میں حماس نے رفح آپریشن پر تحفظات کا اظہار کیا ہے ۔ تاہم اسرائیلی وزیراعظم نے کہاہے کہ وہ قیدیوں کے تبادلے کے معاہدے کے بعد بھی رفح پر حملہ ضرور کرے گا جہاں حماس کی قیادت چھپی ہوئی ہے۔ غزہ سے حماس کے مکمل خاتمے تک جنگ جاری رہے گی۔ حماس نے خبردار کیا ہے کہ نیتن یاہو رفح پر حملے سے باز رہیں ۔اگر نتین یاہو بیان بازیوں سے باز نہیں آئے یا معاہدے کی خلاف ورزی کرتے ہیں تو نتائج بہت سنگین ہوں گے.