سینٹرل لندن میں فلسطین کے حامیوں کی ریلی، پولیس سے جھڑپیں

لندن: لندن میں فلسطین کے حامیوں نے احتجاجی ریلی نکالی۔ پولیس نے طاقت کے زور پر مظاہرین کو منتشر کردیا۔ لندن میں فلسطینی حامی تنظیموں سسٹرز ان کٹ اور بلیک لائیو میٹرز کی اپیل پر احتجاجی ریلی نکالی گئی۔ مظاہرین غزہ میں جنگ بندی اور فلسطین کی آزادی کے حق میں نعرے لگارہے تھے۔ مظاہرین پارلیمنٹ ہاؤس جانے کیلئے ویسٹ منسٹر برج پہنچے تو پولیس نے انہیں روک دیا۔ ریلی کے شرکا نے وہیں دھرنا دے دیا۔ مظاہرین کی وجہ سے پارلیمنٹ کی طرف جانے والے راستے بلاک ہوگئے۔ اس موقع پر پولیس اور مظاہرین کے درمیان جھڑپیں بھی ہوئی۔ پولیس نے کئی مظاہرین کو حراست میں لے لیا اور طاقت کا استعمال کرکے مظاہرین کو منتشر کردیا۔