امریکا کی صیہونی حکومت اور عرب ممالک کو دوبارہ ساتھ بٹھانے اور نئے ممالک کو ابراھیمی معائدے میں شامل کرنے کی تیاری

واشنگٹن: امریکا نے نئی صیہونی حکومت اور عرب ممالک کو ایک میز پر بٹھانے کی تیاری شروع کردی۔ سابق امریکی صدر ٹرمپ کی کوششوں سے متحدہ عرب امارات، مراکش ، بحرین اوردیگر عرب ممالک نے اسرائیل سے تعلقات قائم کرلئے تھے۔ موجودہ صدر جوبائیڈن اس سلسلے کو جاری رکھنا چاہتے ہیں۔ امریکی حکام نے اسرائیل میں نئی حکومت کی تکمیل کے بعد عربوں اور اسرائیل کے درمیان نئی ملاقات کی تیاری شروع کردی ہے۔ امکانی طور پر یہ بیٹھک مارچ 2023 میں ممکن بنا لی جائے گی۔ ملاقات میں ان ممالک کے نمائندے شریک ہوں گے جو اسرائیل کو ساتھ معاہدہ ابراہم کے تحت تعلقات نارمل کر چکے ہیں۔ امریکی عہدیدار کے مطابق عرب ملکوں کے ساتھ تعلقات کے فروغ میں اسرائیل کا کردار اہم ہو گا۔ صیہونی اقدامات کی وجہ سے نارمل تعلقات والے ملک آگے بڑھیں گے اور دوسرے یا نئے ملکوں کو بھی ساتھ ملا سکیں گے۔