Raza Musani 
ڈبلن: یورپی ممالک نے فلسطینی ریاست کو تسلیم کرنے کے عملی اقدامات تیز کردئے ہیں۔ آئرلینڈ، اسپین اور آسٹریلیا نے خطے میں تشدد کے خاتمے اور اسرائیل کے تحفظ کیلئے فلسطینی ریاست کے قیام کو ضروری قرار دیا ہے۔ آئرش وزیر خارجہ مائیکل مارٹن نے پارلیمنٹ سے خطاب میں کہاکہ پچھلے چھ ماہ کے دوران فلسطینی ریاست کو تسلیم کرنے کے لئے سوچ بچار جاری رہی ہے ۔جلد ہی وہ ایک باضابطہ تجویز حکومت کے سامنے رکھیں گے۔
آسٹریلین وزیر خارجہ پینی ونگ نے کہاہےکہ ان کا ملک فلسطینی ریاست کے قیام کے لیے دوسرے ملکوں کو قائل کرے گا۔ تاکہ مسئلہ کے پائیدار حل کے لیے فلسطینی ریاست کو تسلیم کرنے کے لیے دوسرے ملک آگے بڑھ سکیں۔انہوں نے کہا کہ فلسطینی ریاست کو تسلیم کرنے کے نتیجے میں امن آگے بڑھ سکتا ہے اور انتہا پسندی سے چھٹکارا مل سکتا ہے۔
اسپین کے وزیراعظم پیڈرو سانچیز اگلے ہفتے یورپی یونین کے شراکت داروں سے ملاقاتیں کریں گے تاکہ انہیں فلسطینی ریاست کو تسلیم کرنے کی حمایت پر آمادہ کر سکیں۔ ان کے ہمراہ ناروے، آئر لینڈ ، پرتگال ، سلووینیا اور بیلجئیم کے وزرائے اعظم بھی ہوں گے۔
