Raza Musani 
لاہور : جمعیت علمائے پاکستان (سواد اعظم) کے مرکزی صدر پیر سیدمحمد محفوظ مشہدی نے پیرسید محمد واجد گیلانی کو جے یو پی پنجاب کا صدر اور مولانا محرم علی قادری کو صوبائی جنرل سیکریٹری مقرر کردیا ہے ۔صوبائی صدر واجد گیلانی اپنی صوابدید اور رہنماؤں کی مشاورت سے دیگر عہدیدار نامزد کریں گے۔جے یو پی ضلع گجرات کے اجلاس میں صاحبزادہ عثمان گیلانی کو ضلعی صدر اور مولانا حافظ محمد عمران کو جنرل سیکریٹری مقرر کیا گیا ہے۔ راولپنڈی ڈویژن کے اجلاس میں مولانا مشتاق جلالی کو صدر اورمولانا اخلاق جلالی کو جنرل سیکرٹری مقرر کیا گیا ۔پیر محفوظ مشہدی نے کہا ہے کہ بہت جلد تمام تنظیمیں مکمل کرلی جائیں گی۔ جے یوپی کو یونٹ سے مرکز تک منظم کیا جائے گا، جس کے لیے مختلف جگہوں پر اجلاس منعقد ہو رہے ہیں ۔
