گوادر میں 4 روز سے پھنسے زائرین کراچی پہنچ گئے

گوادر: گوادر میں پاک ایران بارڈر پر 4 روز سے پھنسے 8 سو سے زائد پاکستانی زائرین کو کراچی پہنچا دیا گیا۔ اسسٹنٹ کمشنر میر جواد زہری کے مطابق پاک ایران بارڈر پر پھنسے 8 سو سے زائد زائرین کراچی پہنچ گئے ہیں۔ کراچی سے مال بردار گاڑیاں اشیاء خوردونوش لے کر گوادر پہنچ گئی ہیں۔ اے سی میر جواد زہری کے مطابق سربندن، پیشکان، جیونی، پسنی اور اورماڑہ میں کاروبارِ زندگی معمول کے مطابق ہے۔