Raza Musani 
نجف : شہدائے کربلا کے چہلم کے موقع پر عراق، ایران اور پاکستان سمیت دنیا بھر سے لاکھوں زائرین کی نجف سے کربلا مشی جاری ہے۔ ہر زائر نجف سے کربلا تک کا راستہ حقیقی معنوں میں حسینی بن کر طے کر رہا ہے۔ راستے میں ہر قدم پر لگے موکب ایثار، فداکاری اور قربانی کی مثال نظر آتے ہیں۔ لاکھوں افراد کربلا کے راستے میں ہیں اور لاکھوں کربلا پہنچ چکے ہیں۔
گورنر کربلا نصیف الخطابی کے مطابق ڈیڑھ کروڑ سے زائد کربلا میں داخل ہوچکے ہیں اور اربعین تک یہ تعداد تین کروڑ سے تجاوز کر جانے کا امکان ہے، گذشتہ سال سرکاری اعدادوشمار کے مطابق اربعین پر دو کروڑ دس لاکھ زائرین کربلا میں موجود تھے۔
