Raza Musani 
اسلام آباد: سابق وزیرِ اعظم اور پاکستان مسلم لیگ ن کے قائد نواز شریف کے دونوں صاحبزادے حسن نواز اور حسین نواز کے تینوں ریفرنسز میں دائمی وارنٹ منسوخ کر دیے گئے۔ اسلام آباد کی احتساب عدالت کے جج ناصر جاوید رانا نے حسن نواز اور حسین نواز کے خلاف فلیگ شپ، العزیزیہ، ایون فیلڈ ریفرنسز پر سماعت کی۔ سماعت کے دوران حسن نواز اور حسین نواز عدالت میں پیش ہوئے۔ احتساب عدالت نے حسین نواز اور حسن نواز کی 50-50 ہزار روپے مچلکوں کے عوض ضمانتیں منظور کیں۔ عدالت نے تینوں ریفرنسز میں حسن نواز اور حسین نواز کا اشتہاری کا اسٹیٹس ختم کر دیا۔
