Raza Musani 
رام اللہ : فلسطینی صدر محمود عباس نے کہا ہے کہ امن صرف ایک فلسطینی ریاست کے قیام کے بعد قائم ہوگا۔ محمود عباس نے ایک بیان میں کہا ہے کہ آزاد فلسطینی ریاست کے قیام کے بغیر خطے میں سلامتی و استحکام نہیں ہوسکتا۔ اسرائیل کی جارحانہ پالیسیوں کے باعث پورا خطہ آتش فشاں پھٹنے کے دہانے پر ہے۔ اسرائیلی وزیراعظم نے حالیہ تقریر میں فلسطینی ریاست کے قیام کی مخالفت کی تھی۔ بن یامین نیتن یاہو نے قوم سے خطاب میں کہا تھا کہ اسرائیل کی سرحد پر مسلح فلسطینی ریاست کو قبول نہیں کیا جاسکتا۔ اسرائیل غزہ اور مغربی کنارے میں اپنی سہولت کے مطابق انتظام کرے گا۔ اب دو ریاستی حل کا وقت گزر چکا ہے۔
