Raza Musani 
کراچی : شیعہ علماء کونسل سندھ کے وفد نے صوبائی صدر علامہ اسد اقبال زیدی کی سربراہی میں بلدیاتی بل کیخلاف جاری جماعت اسلامی کے دھرنے میں شرکت کی اور حمایت کی یقین دہانی کرائی۔ دھرنے کے شرکا سے خطاب میں شیعہ علماء کونسل کے رہنماؤں نے شہری حقوق کے تحفظ کیلئے مشترکہ جدوجہد پر زور دیا۔ اس موقع پر امیر جماعت اسلامی کراچی حافظ نعیم الرحمن نے شیعہ علماء کونسل کے وفد کا خیر مقدم کیا اور شکریہ ادا کیا۔وفد میں صوبائی جنرل سیکریٹری علامہ سید رضی حیدر زیدی، کراچی ڈویژن کے صدر علامہ کامران حیدر عابدی اور علی نقوی سمیت دیگر رہنما بھی شامل تھے۔
