Raza Musani 
بیروت : جنوبی لبنان سے صیہونی فوج کے جزوی انخلا کے بعد لبنانی فوج نے ذمہ داریاں سنبھال لی ہیں۔ 18 فروری کی ڈیڈ لائن کے مطابق صیہونی فوج جنوبی لبنان کے بیشتر علاقوں سے نکل گئی ہے تاہم جنوبی لبنان کے بفرزون میں سرحدی لائن کے ساتھ پانچ آبزرویشن پوائنٹس پر تعینات رہیں گی تاکہ شمالی کمیونٹیز کے تحفظ کو یقینی بنایا جا سکے۔ لبنانی فوج نے کہا کہ جنگ بندی معاہدے کی نگرانی کرنے والی پانچ رکنی کمیٹی اور لبنان میں اقوام متحدہ کی عبوری فورس (یونیفل) کے تعاون سے لبنانی افواج کو جنوبی لیطانی علاقے میں دیگر سرحدی مقامات پر بھی تعینات کیا گیا ہے۔ انہوں نے بھی وضاحت کی کہ خصوصی یونٹوں نے ان علاقوں میں انجینئرنگ سروے، سڑکیں کھولنے، نہ پھٹنے والے گولہ بارود اور مشکوک اشیاء سے نمٹنا شروع کر دیا ہے۔ اسرائیلی وزیر دفاع یسرائیل کاٹز دھمکی آمیز انداز میں کہا ہے کہ حزب اللہ نے حرکت کی تو اسے نشانہ بنایا جائے گا۔
