Raza Musani 
پارا چنار: مجلس وحدت مسلمین پاراچنار کی ضلعی شوریٰ کا اجلاس مولانا سید نقی شاہ کے زیرصدارت منعقد ہوا، جس میں صوبائی سیکریٹری جنرل علامہ سید وحید کاظمی خصوصی طور پر شریک ہوئے۔ علاوہ ازیں اجلاس میں صوبائی رہنماء مولانا مزمل حسین اور شفیق طوری سمیت یونٹس سے ایک ایک نمائندے نے شرکت کی۔ اجلاس میں ضلعی سیکریٹری جنرل مولانا سید نقی شاہ فخری نے تنظیمی فعالیت کے حوالے سے رپورٹ پیش کی اور آنے والے بلدیاتی انتخابات کے حوالے سے بریفنگ دی۔ اجلاس میں فیصلہ کیا گیا کہ نیبرہڈ کونسل سمیت تحصیل میئر کی سیٹ پر بھی سیاسی رول ادا کیا جائے گا۔ تحصیل میئر کیلئے شرکائے اجلاس نے متفقہ طور پر مولانا مزمل حسین کو تحصیل میئر کی نشست کیلئے امیدوار نامزد کر دیا۔
