Raza Musani 
کراچی : انٹرنیشنل کنسورشیئم آف انویسٹیگیٹو جرنلسٹس کی جانب سے جاری پینڈورا پیپرز نے ٹیکس چوری کرکے غیر ملکی اثاثے خریدنے والے عالمی رہنماؤں، سیاستدانوں، ارب پتی افراد،فنکاروں اور کھلاڑیوں کے نام بے نقاب کردئے، پینڈورا پیپرز میں 35 موجودہ اور سابق عالمی رہنماؤں سمیت تین سو عوامی نمائندوں کی خفیہ دولت اور مالی معاملات کا انکشاف ہوا ہے ان میں روسی صدر ولادیمیر پیوٹن، امیر قطر شیخ تمیم بن حمد الثانی، اردن کے بادشاہ عبداللہ بن الحسین، چیک ری پبلک، عرب امارات اور لبنان کے وزرائے اعظم، مونٹی نیگرو ، ڈومینکن ریپبلک، کینیا، قبرص، یوکرین اور ایکواڈور کے صدور شامل ہیں، آذربائیجان اور چلی کے صدور کے بچے، سابق برطانوی وزیراعظم ٹونی بلیئر، مراکش کی شہزادی لالا حسنہ، بھارتی صنعت کارانیل امبانی، سری لنکا کی سابق وزیر نیرو پاما راجہ پکسا کی بھی آف شور کمپنیاں نکل آئیں۔
